VIAXE Á CELANOVA DE CURROS ENRÍQUEZ E CELSO EMILIO (3º ESO)

Este ano, novamente visitamos as vilas de Celanova e Vilanova dos Infantes, ambas as dúas na provincia de Ourense, para achegármonos á obra dun dos escritores máis destacados do Rexurdimento galego. Manuel Curros Enríquez e, de paso, tamén aproveitamos para coñecer a vida e obra de Celso Emilio Ferreiro e, incluso, a de Xosé M. Méndez Ferrín.

Nun día tan literario a Televisión de Galicia gravounos facendo o roteiro por Celanova e, por iso, saímos no programa Vivir aquí! Para ler e falar. Día das Letras Galegas (14/05/2016) -a partir do minuto 20:00.

Temos que agradecerlle a Paula, a nosa guía, achegarnos dun xeito tan ameno e didáctico á vida e obra dos escritores da comarca. 
Grazas, Paula, en nome de todos nós!

A RUTA LITERARIA DA OBRA A praia dos afogados

O venres pasado seguímoslle a pista á novela A praia dos afogados de Domingo Villar e tivemos o pracer de contar cun guía de luxo: o arqueólogo Xosé Lois Vilar. Velaquí quedan algunhas das imaxes e, por petición vosa, as pezas musicais que ambientan esta novela tan intrigante. 

Alumnado de 4º de ESO (A e B) do IES Ribeira do Louro do Porriño

A música da novela

a) O inspector Leo Caldas, entre reflexión e reflexión, escoita na súa casa a peza de Louis Armstrong "Exactly like you".

b) Caldas está moi encabuxado cunha canción que soa no programa radiofónico en que participa (Patrulla nas ondas). Trátase de "Promenade" ou "Walking the dog" de George Gershwin.

c) O amigo de Caldas Manuel Trabazo, médico xubilado afeccionado á pesca, cataruxaba moito unha canción de Léo Ferré titulada "Avec le temps". Esta canción tamén era unha das favoritas da nai do inspector.

d) O mariñeiro morto, Xusto Castelo (alcumado o Rubio) asubiaba acotío a "Canción de Solveig" de Peer Gynt (suite nº 2), que compuxo Grieg.

Desfrutade da música e, por suposto, da literatura! :-)

Ah! Preparade os flocos de millo, que o 20 e o 21 deste mes veremos a película.