A LUSOFONÍA

Nesta ocasión ímonos achegar aos 8 países que teñen como lingua oficial o portugués, denominados países lusófonos.

Comezaremos visualizando o vídeo Sotaques da língua portuguesa e escoitaremos as seguintes músicas, que nos van permitir valorar as diferenzas entre o galego, o portugués peninsular e o portugués do Brasil.

Deolinda "Parva que sou"

Michel Teló "Ai se eu te pego"

Non poderiamos falar da lusofonía sen ter en conta o festival Cantos na máre, que xa coñece tres exitosas edicións.

Gostam das músicas? ;-)

O ESPELLO DO MUNDO... UNHA NOVELA CENTRADA NA IDADE MEDIA (1º Bacharelato)

Este verán vía a luz a primeira novela de Ramón Nicolás, profesor e crítico literario, que da man da editorial Xerais se mergullou no mundo medieval co Espello do mundo.

O protagonista desta obra é o profesor Martiño, quen ten a encomenda de investigar os contidos duns documentos antigos relacionados co cenobio feminino de San Pedro de Ramirás (Ourense).

Aproveitando que estamos estudando a literatura medieval, recoméndovos a lectura desta novela polo ben documentada que está, porque amosa a figura das "mulleres con poder" durante o medievo e porque vos pode axudar a achegarvos á Idade Media dunha maneira amena e agradable.

Aquí podedes ver a entrevista que lle fixeron ao autor no programa ZigZag diario da CRTVG.