31/12/16

AQUELES DÍAS EN QUE ERAMOS MALAS DE INMA LÓPEZ SILVA (1º de Bacharelato)

Despedimos o ano cunha lectura que vai ocupar o noso segundo trimestre e que, de seguro, non vos deixará indiferentes polos temas que trata e polo perfil das personaxes que aparecen nela. Trátase da última novela de Inma López Silva titulada Aqueles días en que eramos malas (2016).

Como apoio para a elaboración das vosas videocríticas, podedes botar man dos seguintes recursos (pero nunca plaxialos ;-)):

a) A breve crítica sobre a novela elaborada por Ramón Nicolás no seu Caderno da crítica.

b) A tamén breve crítica na bitácora Lecturafilia.

c) A entrevista que Xesús Fraga lle fixo á autora no xornal A voz de Galicia (19/8/2016) con motivo da publicación da novela.



f) O booktrailer da novela, elaborado por Carla Cabaleiro.


Feliz 2017 e boa videocrítica!

Tedes ao voso dispor o vídeo da xornada coa escritora no noso centro.

12/12/16

SICIXIA E... AS CANTIGAS DE AMIGO (1º Bacharelato)

Dende hai unhas semanas podemos ver no cine o filme Sicixia, baixo a dirección de Ignacio Vilar. A propósito da estrea, o escritor Xoán Costa proponnos unha interpretación desta longametraxe en relación coas cantigas profanas de amigo, ás que lles temos dedicado unhas cantas sesións na aula.

Premendo aquí podedes ler o artigo publicado no xornal dixital Sermos Galiza (2/12/2016) e, por suposto, deberiades ir ao cine comprobar se o que nos conta Xoán Costa é certo. 




"Ai meu amigo, se [vós] vejades" (Johan Soarez Coelho)