20/04/16

Tres feridas de Manrique Fernández

O día 29 de marzo veu ao centro o escritor e xornalista Manrique Fernández para falarnos da súa novela, recentemente publicada, titulada Tres feridas.

A obra artéllase en torno á figura de Elina, Rafael e Eduardo, os protagonistas que van vivir unha historia de amor/desamor artellada ao redor de tres feridas: a da vida, a do amor e a da morte. Madrid, Santiago de Compostela, Nigrán e Rianxo son localizacións polas que transcorre a historia e onde os personaxes, perfectamente definidos, van desenvolver as súa vivencias.

Grazas, Manrique F. por conversar connosco sobre a túa novela!







Falan os lectores e as lectoras:

O libro gustoume moito. Ao principio non me entretiña moito, xa que había moita descrición, pero despois, encantoume. A súa estrutura é ben interesante; as "Tres feridas" chamáronme moito a atención.
Outra cousa interesante é que moitos espazos son coñecidos para min e isto fai que viva a historia en primeira persoa.
O final deixoume con moita incertidume, pero aínda así non o cambiaría por outro.

Laura Pérez Rodríguez (4º ESO B)

_______

Gustoume moito o libro, sobre todo o final e a forma na cal o autor detalla cada lugar que aparece na novela. Tamén me pareceu moi interesante a evolución que sufriron os personaxes, que ensinan ao lector que as apariencias moitas veces enganan.

Alba Caballero Pérez (4º ESO B)

_______

O libro gustoume bastante porque é unha historia ben desenvolvida, cun nó que engancha ao lector e o mantén sempre con intriga. Tamén me gustou o final, a pesar de ser inesperado.

Fabián Beltrán Losada (4º ESO B)

_______

O libro gustoume moito. É a primeira obra que leo que ten un final aberto. A verdade é que ao principio aburriume un pouco, pero a medida que avanza a lectura, fáise entretido.

Jeanette Fernández Carrera (4º ESO B)

_______

A min o libro gustoume debido á súa trama, que me pareceu moi interesante. Ademais a súa estrutura axuda a deixar toda a historia clara. Tamén é preciso destacar que os personaxes teñen un encanto especial.

Daniel Represas Balado (4º ESO B)

_______

A miña opinión sobre o libro é moi boa, xa que me parece unha historia interesante e tamén moi entretida. Gustoume toda historia menos o final, que me deixou un pouco no aire e iso non me gustou.

Daniel Rodríguez Muñoz (4º ESO B)

_______

A min gustoume moito este libro, porque os temas están moi ben contados e son moi sinxelos de ler. É un libro que engancha desde o principio. A forma na cal se divide o libro, en tres feridas, tamén me gustou moito, aínda que me decepcionou un pouco que o final fose aberto.

Alba Barreiro (4º ESO B)

________

O libro gustoume moito. Chamoume a atención a súa estrutura e os personaxes que tiñan unha personalidade moi marcada e coa que ás veces me sentía identificada. O único que non me gustou moito foi o final; prefería que fose máis claro.

Laura Soliño Alonso (4º ESO B)

_______

A min, persoalmente, o libro gustoume moito, aínda que ás veces me pareceu un pouco lioso; ao principio a lectura non me enganchaba, pero segundo avanzaba a historia foime gustando cada vez máis. O final inicialmente non me convencía, pero despois de coñecer o autor e falarnos da obra, entendino moito mellor.

Nerea Fernández Diz (4º ESO B)

_______

O libro gustoume moito, xa que a pesar de tratar un tema moi común como é un secuestro, cóntao dunha maneira diferente ao habitual e deixa o final aberto para que nós, os lectores, lle poñamos o noso propio final.

Bianca Martínez Lemos (4º ESO B)

_______

A min esta novela gustoume moito. Desgustoume un pouco o final, pero a idea que tivo o autor de que os lectores lle puxésemos o final foi unha boa opción.

Anair Martínez Alonso (4º ESO B)


02/04/16

2 DE ABRIL: DÍA MUNDIAL DE CONCIENCIACIÓN SOBRE O AUTISMO

Aproveitando que hoxe se celebra o Día mundial de concienciación sobre o autismo damos a coñecer unha interesantísima bitácora titulada Alto, alto como una montaña, da autoría de Esther Medraño e Olga Lalín, terapeuta e nai dun neno con autismo. Aquí podemos atopar material pedagóxico, experiencias persoais, bibliografía de interese sobre este tema, iniciativas de intervención educativa, proxectos audiovisuais e fotográficos, entre outra información, todos eles centrados na visibilidade do autismo.


Velaquí deixamos este precioso proxecto audiovisual: a Canción de Manuel V: Fuxiamos, da autoría de Seso Durán e con letra de Olga Lalín.


Parabéns por este traballo e moitas grazas por achegarnos dun xeito tan claro e emotivo ao autismo!