Para todos e todas aqueles/as que dicides que o paradigma dos verbos da lingua galega, con alternancia e irregulares, é complicado, debedes saber que cun bo adestramento non se vos vai resistir ningún verbo nin tempo verbal. Para conseguilo imos empregar a aplicación deseñada por Gabriel Pérez Durán e Óscar Rivas González, coñecida como O ximnasio dos verbos.
Esta app funciona sen necesidade de conexión a Internet, polo tanto poderemos empregala en calquera lugar onde nos encontremos, pero para certas consultas, como coñecer o significado dos verbos, debemos estar conectados á rede.
A que non sabedes onde naceu esta aplicación?
Sodes coñecedores de que Lingua galega e a literatura tamén se estuda en moitas universidades de toda Europa e América; pois ben, esta aplicación naceu como un proxecto docente das aulas de lingua e cultura galegas no Romanisches Seminar da Universität Heidelberg (Alemaña).
(Fonte: Portal galego da lingua)
Espero verbos a todos no ximnasio (dos verbos)! ;-)
Ningún comentario:
Publicar un comentario